Færeyingar voru rosalega góðir í þessum leik!!!

Þetta finnst mér vera frekar léleg fyrirsögn á fréttinni miðað við hvernig leikurinn var í raun og veru. Ég var á þessum leik í kvöld og Færeyingar voru bara mjög góðir!! Það að leikurinn endaði 1-0 var í raun og veru bara smá óheppni hjá einum varnarmanni Færeyinga og markið var bara ekkert merkilegt...

Þó svo að frakkar hafi átt mörg færi í leiknum náðu þeir ekki að nýta þau nógu vel þar sem Jákup Mikkelsen, markmaður Færeyinga átti stórglæsilegan leik. Hann var algjör klettur í markinu... algjörlega maður leiksins að mínu mati og líklegast allra hinna 3000 sem voru á þessum leik (fyrir utan þessa heilu 35 frakka sem voru eitthvað að reyna að láta heyra í sér...). Auk þess segir einkunnagjöf goal.com að hann hafi verið sá besti í leiknum, (sjá þessa síðu.)

Færeyingar áttu nokkur góð færi sem enduðu því miður ekki í netinu... Það má segja að miðað við þessa stóru leikmenn frakka sem eru atvinnumenn í þekktum liðum, þá eru litlu Færeyjar ekkert svo litlar miðað við hvernig þessi leikur endaði. Þeir hefðu átt skilið jafntefli, en því miður komst einn boltinn inn í færeyska markið...

Það er töluverður munur á stemningu á færeyskum og íslenskum landsleik. Mér fannst færeyingarnir ekki nógu samheldnir í að hrópa og styðja sitt lið því það var hrópað úr öllum hornum og enginn á sama tíma "Förjar!!! *klapp, (Förjar) kla(För)pp(-jar)klapp* -ef einhver skilur hvað ég á við... Það vantaði stjórnendur með trommuslátt o.s.frv. Eins fannst mér ekki sjást eins mikið af færeyska fánanum eins og maður sér af þeim íslenska á íslenskum landsleikjum. 

Hérna er einkunnagjöf Goal.com til leikmanna beggja liða útfrá leiknum í dag.

 

Frakkar mörðu Færeyinga í Þórshöfn